جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج ازاي يا أرض بترفضي خطوة حبيبك
ازاي الاقي خطوتي وسط الفراغ
خايف ادوس القى القدم تهرب تسيبك
تعبت خطايا من الهرب ومن الصراخ
يا أرض ليه تتغيري وقت الخطاوي
دا كل خطوة بتتمشي تحكي حكاوي
حكاوي عن ناس طيبين
عشنا مابينهم من سنين
بس انا جبني الحنين
وقلت اروح لعندهم
اتريكي واقفة ضدهم
وبترفضي خطي الحبيب
ازاي يا ارض بترفضي خطوة حبيبك
ليه يآ أرض ترفضيني
كنتي ارضى وكنتي طيني
دانتي حتة من سنيني
تكوني عاوزة ترجعيني
وبترفضي خطوة حبيبك
ازاي أعيش وانا روحي فيكي
دانا كنت اموت لو رحتي عني
مشتاق انا امشي عليكي
اَنتي ارضى وحتة مني
ازاي يعيش فيكي الغريب
وبترفضي خطوة حبيب
ما كنت أقرب من القريب
والله انا هموت عليكي
ازاي يا ارض بترفضي خطوة حبيبك
وازاي الاقي خطوتي وسط الفراغ
خايف ادوس القى القدم تهرب تسيبك
تعبت خطايا من الهرب ومن الصراخ
ياريت يا ارضى تقبليني
احضنني.. ادفنينني..
لما اموت اوعي يومها ترفضيني
او ترفضي دفنة حبيبك
#في_حب_مصر
