جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
دخلك يا قلبي
سمير شيا
قللو انا كثير اشتقتلو
لوبيسمع دقّات قلبي بحبك هيِّ بتقلو
بالمراية بشوفو بعيوني وعنو بيسألوني
وانا مثل المجنوني هيك بيقولوا عيوني
انا بقلبي وعدتو وبمفتاحو سكرتو
هوّي اللي ما بينساني بمفتاحو ذكرتو
يا حبابي من بلاد الغربي فلوا
وعابلادي لنو بالسنة مرة طلوا
عناخلوة عنا دير عنا جامع تتصلوا
يا احبابي طلوا طلوا الارزات عمبيصللوا
ارز الرب ببلادي عمينادي يا اولادي
طلوا عليّ طلوا
إنتوا ببلاد الغرب تسلاية عم تتسلّوا
عندهم ستات وما في حرب بتاكلوا وبتتحلّوا
وعنّا ببلاد الحرب بلادالضرب قلال إللي ما فلّوا
دقات قلبي لإبني تقلّو أنا كثير إشتقتلّو
أنا بالعمر صرت كبير تجاعيد وجهي تقلّو
ودمعات عيوني بتسيل ع شو عم بيدلّوا
الشاعر سمير شيّا
