خد نصيبك

بقلمي

صلاح شعبان الفيداوي

القاهرة

خد نصيبك م الدنيا

واتمتع بيها قبل ما تمشي

هتاخد إيه معاك منها

غير اللي عملتو متخدشي

سنين منك عماله تهرب

والعمر راح منك يجري

عيش الدنيا و استمتع

كام قبلك حب ولا طلشي

وانسى همومك واركنها

الدنيا ماشية ماتوقفشي

قبلك كانوا عايشينها

بالطول والعرض ماسألشي

كانت ابتسامتهم زيناهم

وكان من بكره مابيخافشي

رامي حموله على ربه

واللي مع ربه ما يحملشي

رزقك من عنده متقدر

جايلك جايلك ما تشيلشي

كانوا في بساطة مع طيبة

والكل بيبات متعشي

الناس همومها بالجمله
وخايف من بكر مبينامشي

ربك بإذنه ميسرها

بس عيشها ما تقلقشي

صلاح شعبان الفيداوي

القاهرة

٢١/٥/٢٠٢٢

شاهد أيضاً

خواطر أغاني الأسواني

خواطر أغاني الأسواني الشريف_أحمدعبدالدايم عادي تهجر أو تسافر يالا ادخل في القاموس في قلوبنا يواد …

حلوة عن احلى فواكه

حلوة عن احلى فواكه خواطر أغاني الأسواني الشريف_أحمدعبدالدايم وحلوة عن احلى فواكه زينة عن فل …