جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
خارج_معاش
كلمات_ايمن_شتا
خارج معاش وانا سني في العشرين
خلصت بدري وكأني في الستين
شباب فالشكل بس القلب بيعجز
حتى الوش فضحكته مبوز
اخد شهادتي يدوب كدا اجهز
ولاقى مكان فقهوة العواجيز
خارج معاش وانا سني في العشرين..
….
مكان محجوزلي في القهوة
كان عمري عدي على سهوة
اخاف احب ولا يوم اهوي
الاقى قلبي طب على سهوة
فعز الحر خفت استهوي
عشان عجزت ولسه في العشرين
….
شباب بنزك م الخيبة
شهادة عالية بس دي غريبة
تلاقي شغل معقولة دي عجيبة
يدوب تلحق تقعد مع العواجيز
شباب في الشكل بس القلب بيعجز
حتى الوش فضحكته مبوز
اخد شهادتي يدوب كدا اجهز
ولاقى مكان فقهوة العواجيز
خارج معاش وانا لسة في العشرين
…..
مكسور يا دنيا مكاني مش فيكي
العمر يجري متحني معاليكي
جتي عليا مجتش انا عليكي
خارج معاش يارب يرضيكي
عجزت بدري وانا لسة في العشرين
خلصت بدري وكأني في الستين
…
خارج معاش وانا لسة في العشرين
خلصت بدري وكأني في الستين
…
ايمن شتا
