جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
حوش رموشك .. خواطر أغاني الأسـواني
الشـريف_أحمدعبدالدايم
حـوش رموشـك
سـيبني في حالي
بالرموش الساهية
طـب وانا مالي
…..
حوش رموشك وابعد عني
سيبني أعيش وحيد متهني
ليه عاوزني أسهر واغني
والعُـزَّال تسـمع مـوالي
حوش رموشك سيبني في حالي
…..
ياما حبايب ظلموا حبايب
إللي يبكي وإللي دايب
في الحب ياما شوفنا عجايب
غَلَّا رخيص ورخص غالي
حوش رموشك سيبني في حالي
…..
ياما ناس الحب ٱلمها
عَذَّب قيس وليلى ألمها
وكمان من عنتر عبلة حرمها
شربوا المر أيام وليالي
حوش رموشك سيبني في حالي
بالرموش الساهية انا مالي
