جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
“حنين”
بقلم/سماح عبدالغنى
نفسى أرجع بالسنين
نفسى أشم ريح الحبايب
نفسى أصحى فى يوم الأقى
رجعت تانى بيت أبويا
أربع حيطان مضللين
حب وعشرة السنين
نفسى أرجع حضن أمى
وأملى عينى بنظره منها
نفسى فى يوم أصحى الأقى
لسه بينا الحب باقى
نفسى أرجع بالسنين
وسط الناس الطيبين
نفسى أرجع بيت أبويا
وأرجع تانى حضن أمى
نفسى أشم ريح الحبايب
اللى فيها الكل غايب
نفسى أرجع طفله بينهم
ألعب وأنسى أنى كبرت
نفسى أرجع بالسنين
وأرجع تانى حضن أمى
الله يرحم أمى وأبويا
كانو شالو كل همى
