جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
حلمت أنى مت
بقلم/ سماح عبدالغنى
حلمت أنى مت
والله بجد حلمت أنى مت
وشفت الناس حواليا
وأختى تبعدهم عنى وتبكى تقول
غيبوبة سكر وهتفوق على طول
و أخويا يبكى أه يانه يا أختى
يلى كنت أمى
وأختى تقول متفولوش
أختى عايشه قومى يا أختى
الدنيا من غيرك هتبقى ظلمه
مين هيسأل عليه بعدك
مين هيكون سندى وضهرى
أوعى تسيبينى وتوجعى قلبى
أوعى تسيبينى والنبى يا غاليه
وأنا بقه كنت فى دنيا تانيه
كنت فى أرض خضراء
زرع وميه صافيه
ونور منور الدنيا
وطريق فى نهايتة أمى وأبويا
كانو ماشين فى طريق طويل
ناديت بعلو صوتى
أوعى تسيبينى يا أمى
وأنت يا أبويا أوعى تمشى
وأنادى وصوتى راح
وأمى ردت النداء
أوعى تيجى لسه بدرى
وأبويا قالى أوعى تيجى لسه بدرى
هسيبك دلوقتى وهنيجى تانى
والمره الجايه هنخدك معانا
وأنا صحيت من حلمى ببكى
وكنت بقرأء وأنا فى نومتى
المعوذتين وسورة الملك
وشفت الكعبة قدامى
والأرض الخضراء
ونور مسجد حبيبنا الغالى
وصحيت من حلمى وأنا زعلانه
كنت فى حلمى مع أحبابى
حلمت أنى مت والله بجد
مت فى حلم يا ريت حلمت من تانى
