حـيـن تنطـق العتمـة

حـيـن تنطـق العتمـة

بقلم ـ نشأت البسيوني 

 

في لحظه ما تعرفش جات منين تلاقي الدنيا حواليك هديت هدوء يخوف كأن العالم كله وقف يتفرج عليك وكأن العتمة قررت تتكلم وتقولك اللي محدش بيقوله وتفهم إن مفيش حد بيعدي في الحياة من غير تمن وكل طريق فيه ضريبة بتدفعها من روحك قبل جيبك وكل حاجه بتحصل لك ما هيش مصادفة لكن أثرها ساعات بيكون أقوى من قدرتك على الفهم وساعتها تحس إنك واقف فوق حته 

 

هشه بينك وبين الانهيار نفس المسافة بين النفس اللي خارج منك والدمعة اللي واقفه في زاوية عينك ورافضة تنزل مش كبرياء بس علشان خلاص جفت منابع البكاء جواك وبقيت تبص لكل حاجه حواليك بعيون جديدة عيون اتعلمت إن الضربة اللي ما تكسركش بتسيب فيك أثر وإن الكلمه اللي ما تتقالش بتكبر جواك لحد ما تتحول لحمل تقيل وإن السكوت ساعات بيكون أوجع من أي صرخة 

 

لأن الصرخة بتخرج والسكوت بيحفر ويثبت ويعيش جواك زي ندبة ما بتفارقش روحك وتفتكر الأيام اللي كنت فاكر فيها إنك هتتغير لو الناس اتغيرت وإن الألم هيخف لو حد حس بيك وإن الوحدة هتروح لو لقيت حد ما يسيبكش بس الحقيقة اللي اكتشفتها إن محدش بيشيل حد وإن كل واحد في الآخر واقف لوحده بيحارب بطريقته بيتوجع بطريقته وبيتعافى بالطريقة اللي ما يفهمهاش 

 

غيره وتحس إنك ماشي في الدنيا وراك حقيبة مليانة وجع مش قابلة تتفك ولا تتحرق بس قابلة تتعايش معاها لحد ما ما تبقاش تقيلة زي الأول وتتعلم تسند نفسك بنفسك وتتلم على روحك في الليالي اللي محدش يعرف عنها حاجه وتدرك إن أقوى انتصار في الحياة مش إنك تكسب الناس لكن إنك تكسب نفسك مرة ورا التانيه لحد ما تفهمها وتسمع صوتها وتعرف إمتى تتراجع وإمتى تنسحب 

 

وإمتى تقف وقفه تحدي قدام الدنيا كلها وتستوعب إن العتمة اللي كانت بتخوفك في الأول بقت صديقة بتفهمك أكتر من البشر وإنك بقيت تسمع فيها صوتك الحقيقي مش اللي بتقوله قدام الناس ولا اللي بتخبيه عنهم الصوت اللي بيطلع من جرح عميق ومن تعب طويل ومن قلب لسه رغم كل حاجه بيحاول يعيش وتعرف ساعتها إنك ما كنتش محتاج ضوء علشان تشوف الطريق لأنك انت النور 

 

اللي قاوم العتمة وانت النفس اللي ما انقطعش وانت الخطوة اللي كملت وانت الحكاية اللي رفضت تنتهي مهما اتكسرت وتبقى الحقيقة كلها في جملة واحدة إنك لو خرجت من العتمة واقف فأنت ما رجعتش زي ما كنت أنت رجعت أصلب مية مرة