جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
حاسبي نفسك
كلمات حموده دهمان
حاسبي نفسك
قيل ما تحاسبيني
بتلومي عليا وتقولي
اني سيبتك
إني بعتك
طاب هاتي كدا عينك
في عيني
طاب فاكره يوم الفراق
لما قولتلك ان اللي قالك
اني خونتك كداب
وصدقتيه وكدبتيني
وجايه تلوميني
نسيتي لما قولتلك متسمعيش
كلام الناس
نسيتي لما قولتلك دوول
وجع في الرأس
وهيتموا لما يفرقوا ايدك
من ايدي
عملتي نفسك واعيه
وقولتي متخافشي
انا الاعيبهم صاحيه
لحد موقعتي في فخهم
وسيبتيني
ودالوقتي جايه تلوميني
وتحاسبيني
ياشيخه وحياة ابوكي
اسكتي
احسنلك متتكلمي
دا أنا اللي جوايا مكفيني
انا من يوم فراقك
والحزن بقى غنوتي وتلحيني
بقى فرشتي وغطايا وسريري
لكن اللي كان مصبرني
طيبتك واحساسي بإنك اكيد في يوم
هتجيني
انا من ساعة مبعدتي
وانا عايش معاكي انتي
مهو هواكي كل تكويني
دالوقت جايه تلوميني وتكويني
بدل متحاسبني حاسبي نفسك
وحاولي تفهميني
بصي في وشي
هتلاقي ملامحي
مرسوم عليها عشقك
وصورتك مطبوعه
على جبيني
فوقي بقى فوقي
ويالا نعوض اللي فاتنا
ولا احاسبك ولا تحاسبيني
حاسبي نفسك
كلمات حموده دهمان
