جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
جيت لك يا بحر
بقلم / خالد حامد
جيت لك يا بحرحزين
أبكي علي رمالك
ما تقولي ايه مالك
أنا عارفك طويل البال
وأنا حالي من حالك
أنا شلت الهم جبال
ونصيبي برضوا اهو مال
من كتر أوجاعي
حتي الأحبة يا بحر
بيفضلوا وداعي
طب قولي ايه الداعي
افضل يا بحر حزين
ما قولت يا قلبي بلاش
تحوجنا لبني ادمين
ده القلب مليان خوف
وأنا وجعي دام لسنين
واللعب علي المكشوف
خايف تغيب عن العين
والعين يغيب نورها
أشكي لمين يا عين
ما خلاص بنت سورها
وبقسوة تزيد عن الحد
وأنا قلبي عمره ما رد
والرد مش سيره
ولما جيت في تفكيره
يا بحر لم البكي جالك
جيتلك يا بحر حزين
أبكي علي رمالك
بكيت بدمع العين
ضاع مني احلي سنين
وعشت عمري حزين
أنسج حروف في حروف
اكتب لك أشعاري
وادي آخرة المعروف
والقلب عمره ما جار
اسال عليا يا بحر
ليه هما بكوني
ده عمري ما أذيت حد
ليه هما ياذوني
