جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج جوه عمري عمر تاني للكاتب فوزي الطنوبي
عمر ملهوش ف السنين
لوضحكت بقلب صافي
ابقى طفل يادوب يومين
وإن سمعت بقلبي غنوة
حب متقاله بحنين
ببقى شاب بقلب دافي
وف مشاعري بحر صافي
ولو في يوم الحزن جاني
أو عواطفي ف يوم خانتني
والهموم هزت كياني
وانكسر مجداف سفينتي
بلقى نفسي شخص تاني
تنهزم دقات مشاعري
والبياض يحتل شعري
والمعاني تموت ثواني
وينتحر وياها شعري
والقى نفسي شخص تاني
ووقتها بتوه ملامحي
جوه عمري عمر تاني
شيخ وميت من سنين
فوزي الطنوبي
2/6/2022
