جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
جوايا إحساس
كلمات حموده دهمان
جوايا إحساس
مخلوط برصاص
عمري ما عرفته ولا حسيته
دا مرار في مرار وكمان
فيه نار
وف وصفه كمان
انا حليته
مهو حبيبي ياناس
طلع قناص
غدربي بعد ماسلمت له
روحي وحبيته
موت إحساس
و ود وإخلاص
وعواطفي اللي كانت
ملك ايده
وسقاني الآه
لما قلبي نداااه
وجري وراه
لحد موصل لباب
بيته
لابص وراه
ولا من نظره سقاه
من غير أسباب
قفل باب قلبه
وشبابيكه
كأن الهوى اللي جمعنا
ضاع في الهوا ولا ليه معنى
واحنا اللي سهرنا ليالي طوال
على تربيته
وكأن اللي بينا
بالنسباله لعبه
ونزوه ومغامره مخطرت عالبال
وحبة تسالي
لترفيهه
وحياة حبي
وسهري وسهدي
وسنين أشواقي
في الغرام
لا اهده زي مكبرته
وبنيته
واعمله عبره
لكل الخاينين
لحد ميقولوا كفايه
حرام
دا أنت
كسرته وذليته
يبقا أنا مشتاق
وكبير عشاق
ويصغرني
وميعملشي حساب
إننا احباب
ويهزمني
بألاعيبه
وانا اللي من جرحه
داويته قوام
وخبيته فى قلبي
وسقيته حنان
ودلعته ياما وداديته
طب مبقاش انا
لو مجيبته هنا
بنفس طريقته وحواديته
وصبتله كاس صبار
متزود بمرار
وعصرت عليه احزان قلبي
وبأيدي ناولته وسقيته
لحد مادموعوا تبقى انهار
وينكوي قلبه في اسخن نار
لحد مايجي يبوس يدي
ويقول ارحمني انا ندمان
على اللي عملته
واللي بديته
جوايا إحساس
