جايز و جايز

جايز و جايز
رجب أبو الحسن

كل الحمول بتزول
بالاحتمال …
جايز يكون موصول …
وجايز ما مال ….
وجايز يكون مقتول ..
برضو احتمال …
وجايز أنا المخبول …
وحالي حال …
و هو هناك مسئول ..
وحاله عال ….
وجايز أموت مفعول…
ما الداء عضال ….
و أنتهي محمول
و تحت الرمال
وجايز أعيش على طول…
من غير سؤال ….
وجايز يطول الحول…
خلف الجمال..
و جايز يحن و أنول ..
وصل الوصال..
وجايز أغني و أقول ..
موال ورا موال ..
و لا يهزه القول …
تقل التقال ..
فأتعب أنا على طول …
من رنة الخلخال…
وأعلق المحلول ..
من شوق يهد جبال …
يا أم العيون بتقول ..
لو تسكت الأقوال …
الود مش هيزول…
نازل كما الشلال …
لو جيش بقلب مغول ..
ما يردنيش زلزال …
هفضل أنا المسطول ..
من خمرك السحال ..
هو الجمال معقول؟
علشان يزيده دلال !