أخبار عاجلة

تيجى نتفق

تيجى نتفق
ايمى محمد..
‏تيجي نتفق اتفاق
تبقي حب بدون فراق
تبقي صاحب وتبقي أب
تبقي فرحه فـ وقت هم
تبقي ساكن جوه روحي
ويبقي حافظك قلبي صم
تبقي جنه وتبقي أرض
تبقي حضن فــ ليله برد
تبقي وقت الحزن ايد
طبطبت لما اشتكيت
تبقي جنبي لو بكيت
تبقي بيت
تبقي عزوه و ناس و أهل
‏تبقي قلب و روح و عقل
تبقي مش حد فـ حياتي
تبقي كل حياتي انتَ
تبقي أبويه وتبقي ابنى
تبقي طفل فـ الجنان
تبقي وقت ما اخاف أمان
تبقي كائن واتخلقلي
من دلع زائد حنان
تبقي اول كل حاجه
بفتكرها ف كل يوم
تبقي حلمي فـ وقت نومي
و الحقيقه لما اقوم
قولت ايه ؟!

شاهد أيضاً

المدينة المنورة

المدينة المنورة ……….. لستُ أدري هل المدينةُ روحي أو فؤادي فقدْ عشقتُ هواها كمْ تمنيتُ …