جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
تمر بﻻدي ..!
ـــــــــــــــــ
زهير كاطع الحسيني / العراق
.
إحنه أهل التمر
نِستورد التمره
مليان العثِك
بَس جيب لي نزّله
مَهضوم العراقي
حاير بأمره !
* *
إحنه أهل النَخل
شو والتمر غالي
نِستورد رِطب
ما خِطرت ْ إبالي ؟
أصعَد للنَخل
خَل تشبع إعيالي !
* *
جا ليش التمر
نِستوّرده إسعودي
مَكبوس بعِلب
مِن حاصِل إزنودي
تِجار إنجَحَت ْ
تفكير اليهودي
إتهرب ألتمر
وإتبيع مَحصودي !
* *
فسايل للنَخل
أخذوها لي بَره
زِرعوا كم صِنف
وإختاروا النخله
دِرسوّا الدرِس
وبحثوها للفِكره
صاروا بالنتيجه
هُم مَوطن التمره !
زِراعه إموجّهه
مِن كل كتِر عِبره
إماراتي وسعودي
وحيف عَ البَصره !
ــــــــــــــــــــــــــــــــ
زهير كاطع الحسيني / العراق
