تقلبات فى الجو.

من سنيين و قروون ..كان فى ناس مفيش زيهم بمعنى الكلمة .. كانوا تقريبا عمالقة .. احنا بالنسبة لهم أقزام .. كانوا أصحاب حضارة و متقدميين فى كل شئ .. صناعة وتجارة وهندسة و الخ ..كانوا قوم_عاد

علماء الآثار .. اكتشفوا مدينة أذهلتهم اسمها إرم .. نزلوا كاميرات على بعد حوالى 20 متر تحت الأرض .. صورت عجب .. أعمدة ضخمة وقصور فعلاا ملهاش مثيل و لا هيكونلها مثيل .. ربنا قال عنها

” إرم ذات العماد .. التى لم_يخلق مثلها فى البلاد ”

مكانوش بيأمنوا اصلا بوجود إله ولا أى حد أقوى منهم .. لما جالهم سيدنا هود .. كانوا بيقولوله ” من_أشد_منا_قوة ” ..

فرد عليهم ربنا وقال : ” أولم يروا أن الله الذى خلقهم هو _أشد_منهم_قوة “

عارف ربنا عمل فيهم ايه ..” ألم تر كيف فعل ربك بعاد ” ؟؟

ربنا بعتلهم بس شوية هواااا .. شوية الهوا دول كانت بتدخل فى الواحد منهم تطلع أحشائه من الناحية التانية وتسيبه خاوى .. زى جزوع النخل ..”كأنهم أعجاز نخل خاوية “

قوتهم وعظمتهم اللى مكانتش ولا هتكون لغيرهم .. مانفعتهمش لما اتحدوا ربنا وعصوه ..

كل سنة بتتبعت وهتتبعت الرسالة دى من ربنا لينا .. بس على خفيف شوية .. شوية هوا بندخل بيوتنا اللى زى الورق بالنسبة لقصور_عاد بنتحامى فيها .. و الحامى ربك ..

” وأما عاد فأهلكوا بريح_صرصر_عاتية ..سخرها عليهم سبع_ليال_و_ثمانية_أيام حسومااا ..فترى القوم فيها صرعى كأنهم أعجاز نخل خاوية .. فهل ترى لهم من باقية “

استمد قوتك من ربك ..

فأنت_القوى_برب_السماء