جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
تعيشيلى يا امه تعيشيلى
طه علي الدين
فى حضنك يا أمه
بحس بلمه
فى عز البرد تدفينى
و ف حضنك لما
ياخدنى بضمه
الدمعه تنزل من عينى
و تميل على كتفك راسي
يصغر طفل (إحساسى)!
كإنه لا اتجوز و لا شاب
و لا قدر البعد يقسينى
و بغصب تاخدنى التنهيدة
ألعن بقسوة فى الغيبه
و صمتى يهمس لحنانك
همس حنانك يرقينى
أرسملك بوسه على جبينك
و انحنى على إيدك أصلِيلك
عتابك يسبقه غفرانك
و تميلى عليا و تبوسينى
تعيشيلى يا أمه لحد م اموت
و تضلى قبلى ياشجرة توت
عشان دعواتك بعدصلاتك
جوه قبرى تنجينى
تعيشيلى يا أمه تعيشيلى
#طه_علي_الدين
