جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم / داليا فؤاد
عندما بتقفى على الميزان سيدتي وتلحظي نفسك انك زدتى فى الوزن وإنتى مبتاكليش خالص تقريبا ..
لازمه تعرفي إنك زى كتير مننا بنعمل أخطاء فى روتين حياتنا اليومى بتخلي وزننا يزيد من غير ما نحس ..زى إننا:
1- بناخد وجبتنا الرئيسيه او اى اكل قدام التليفزيون
2- بنفتح التلاجه نجيب مايه ونلاقى نفسنا بنجرب اى حاجه اكل معاها
3- بتتكلمي فى التليفون ممكن بدون وعي تلاقي نفسك خلصتي 3 او 4 ساندوتشات كدا ع الماشى
وطبعا كل ده بيأثر على إحساسك بالشبع وبتحسى إنك مكلتيش وبالتالى بتحتاجى وجبات أكتر
علشان كدة الأحسن دايما إنك توفرى أوقات محدده فى يومك لوجباتك وتلتزمى خلالها بتقدري تحددي اوقات اكل مش طول اليوم تاكلي ودا بيتسمي بصيام متقطع يعني لو ١٢ ساعه اكل اللي ١٢ ساعه التانيه صيام عشان تحصري وقت للاكل وبكدا بدايه تغير مفاهيمك الغلط عن التغذيه فى روتين حياتك اليومى ونبدلها بمفاهيم سليمه تقدرى من خلالها تحسنى من نظام حياتك وعاداتك اليوميه وبالتالى هتلتزمى بنظام غذائى بوعى منك وإدراك لأهميته .. وتتحدي الصعب وتكملي الدايت وتعتبريه اسلوب حياة وليس عقاب وحرمان
الدايت دا مجرد مسمي لكن اذا تكلمنا عن الاكل الصحي عشان حياتنا اليومية تكون صحيه ونتفادي الامراض العصريه بسبب الاكل الجاهز والاكل التي اوي والحلويات والمشروبات الغذيه كل دا بيدمر صحتنا خصوصا في الاطفال الصغيره والشباب مع تقدم العمر
هنلاقي ان الدايت هو المحافظه على الصحه وهو لاقدر الله لما الدكاتره تحدد اكل صحي لما نصيب بمرض. طب ليه منغيرش اسلوب حياتنا ونجعلها صحيه اكتر بدون مرض مزمن وادويه
الاكل الصحي اكلنا العادي بدون مقليات ومواد حافظه ودهون غير كل دا كل الاكل متاح في الدايت او في اسلوب حياتنا الجديد اللي هيحافظ علي صحتنا ويخلينا كلنا طاقه وحيويه
يبقي المعادله الصح
الدايت = الاكل الصحي = حياه خاليه من أمراض
تعليق واحد
أعجبني
تعليق
