بنعيب

بنعيب على الدنيا
والعيب موجود فينا
احنا اللى بنكابر
والسر اهالينا ……………

الاب متغرب والام بتربى
والابن متبهدل ولا حد بيلبى
للاب واخد باله وكانه متخبى
والام مشغوله فى البطن بتعبى ………..

ونعيب على الدنيا

العيشه صعبه وماله
ماالكل واخد باله
فى ناس عايشة وراضيه
وناس عالحلم قاضية …………….

فى ناس صابرة سنين
والعيشة عالقد
وناس مش مستحملين
وايديها بتمد ………………..

ندخل على المشاكل
نبدأها بجوازة
نفضل فى بعض نشاكل
والعقل فى اجازة …………….

واما بننهى الحكايه
يااما بانفصال
يااما بجنازة ………….

الراجل عايز عيال
والست بقى بتطاوعة
واما يقل المال
احزانه بتلاوعه ……….

ونعيب على الدنيا

وتكتر الخناقات
ومتحلاش الخناقه الا
قدام الولاد ………………..

العيل يكبر يكبر
ومشاكل العيلة بتكتر
ينزل الواد للشارع
ويشم ويضرب ويسكر …………

ويعيش الواد فى الشارع
ويروح بقى عالنوم
اصله بقى ديلر بارع
وكانه معاه دبلوم. ……………

ماهو اصله مصاحب شله
يسهروا يضربوا مع بعض
يقعدوا ويشموا فى كلا
ويقوموا يتخانقوا فى بعض …………

وقال ايه الواد متربى
وكمان حافظ قرآن
على طول بيروح عالمسجد
لو يسمع الاذان ………………….

العيب مش فى الدنيا

العيب على الوالدين
اللى معرفوش يربوا
ولا عاشوا بنى ادمين ……………

اخلاقنا لا ضاعت
وبقينا مختلفين
والناس بقى مش عاجبها
وعلى طول متخانقين …………….

لما نسينا الدين
بقت الحياة صعبه
بعدنا عن ربنا
وكاننا فى لعبه ………………

ارجعوا للاخلاق
وربوا ولادكوا صح
الابن لو متربى
هايعيش حياته صح ……………..

تحياتى محمد تريكة تريكة