جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بكرة البعيد
********
بكره يشق الضلمة فجرك
بكره يرجع اللي هاجرك
بكره اول يوم في عمرك
بكره اكون في نن حضنك
بكره يرجعلك شبابك
والفيروز يضوي في ترابك
بكره يكون الابيض ده لونك
والبريق يملى جفونك
ويلمع تاني نور عيونك
والنضارة تكسي خدودك
والعبير يملى ورودك
ونتأنس ياقمره بنورك
انتي بكل الدنيا ديه
انتي روحي ونور عينيه
بس اوعديني لما اغرب
تسحبيني اعيش في ضلك
واوعدك لو مس شعره منك يوم عدا
انا كل عمري ليكي ودمي حيكون فدا
بس ارجعيلي وخلي ميتك تفيض فى نيلك
والخضرة تننزع وتزين فى ارضك الطيبه.
هو احنا لينا حد غيرك!!!!
ولا بيروينا الا نيلك!!!
بس انتي قربيني وخليني خليلك
ولو تطلبي من السما قمره اشتريلك.
مصطفى عبد النبى
