جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
( بعتذر لك )
بقلم رجب أبو الحسن
ع اللي بدر مني
بعتذر لك
يا اللي مني
و كل ما فيا فاكرلك
السعادة شلالات
بعتذر ع اللي فات
ع اللي سببته بغباء
بعتذر يا جميلة
يا اللي حسنك زاد و فاق
كل حسن
حتى مصابيح السماء
لسه صاين لك جميلك
بامتنان نبعه الوفاء
لسه طمعان نلتقي
و نزرع الوجدان وفاق
بعتذر لك باكتفاء
و انكفاء
و اكتواء
بعتذر لو كنت جاهل
لما فسرته غلط
رد فعلك كان مجامل
إنما غيظي انفلت
كيف رقيقة و في المقابل
تلتقي مني الزلط
بعتذر لك فاغفري لي
النعيم بعدك كفن
لو عليا تحفري لي
في التراب و انا اندفن
بعتذر لك ع النحيب
ايه الدموع دي كلها؟
صدري كان واسع رحيب
اتخنق من شكلها
بعتذر لك فاعذريني
قبل هجري انذري
لوسامحتي في يوم زوريني
وقتها ابقي احذري
أصلي أضعف من حنيني
يا جميلة فاعذري
