جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
( بحور وجفت )
بقلمي / محمد سليمان ابوسند
——————-
الليل بيجي عندنا
وقت النهار مايكون معدي
رايح مع الرايحين
رياحين وزهر المغربيه
بنت حلوه ساعة عصاري
تقعد تدردش بحسن نية
تراتيل غرام
غناوي بعزف الناي
سهران ليلاتي يحكي
لقمر مخنوق
زهقان كمان لحد ميجينا
نهار جديد
يطلع بنوره
ينور زهور البرتقان
ع الشجر ويدي آمال
للمجروحين
ونفوس كتير مليها الشجن
ربيع وجاي بعد الخريف
خرفان بيحكي
زعلان كتير
عاوز يفضفض
بدموع ليلاتي وقت السحر سكاكين بتدبح
وآهاااات تحت الجفون
ويبكي معاها الحجر
نفوس ضعيفه
عشمان يكون ميعاد رجعوها
م السفر
عشمان وزيوا ناس كتير
من التايهين
ع المحطه وقفت صبيه
تستنى قطر الأمل
يمكن يكون تاه
وسط قضبان الحياه
وسط الزحام
وسط الآمال
يمكن رجوعه
يدي للحياه قبلةحياة
تحيى الحياة من جديد
أصل الحكايه
مش حكاية بنت وولد
الحكايه أن الطاحونه دايره
من سنين
سكاكين وسارقة الكل
ماشية على رقاب الخلق
كل الخلق
في دروب الحياة
حلاوة روح في النزع الاخير
وخدانا معاها لفين
لفت سواقي البلد
ودارت الشواديف
غيطان أرض الجيران
بحور وجفت
من زمان
وسواقي عطلت من جديد
شواديف كسرها غدر الزمن
و دموع معاها كل الندم
لكن ف يوم هانقيد شموع
سيدنا الولي
ووليمة جاية تكفى
معازيم كتير
ونجيب معانا اكاليل زهور
تمر وريحان
حبة ورود من بتوع زمان
وزهور بنات قاعدين هناك
ترقص تغني في الغيطان
معانا ع الوتر
ونبدأ حكايتنا تاني
من جديد
بقلمي / محمد سليمان ابوسند
