جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== بالشمع الاحمر =====
مين قال بالختم
والشمع الأحمر
قفلوا المكان
سابوا الباب
واستخدموا الشباك
أو هدوا الحيطان
والشغل داير
وما فيش خساير
بس الزبون
هوه الخسران
سعادته عارف
كل اللي بيحصل
بس المهم
الشمع سليم ومصان
ولا يتلمس
ولا يتخدش
واللي يوقعه
يبقى المدان
ضمير وغاب
وسط الضباب
طول ما انت فاهم
وشغلت مخك
أنت في أمان
ميهمش تخالف
مهو الكل عارف
أصل الحكاية
فساد ذمم
ماليه المكان
طب أمتى نصحى
ويرجع ضميرنا
والصح يمشي
ساعتها الكل
يعيش أحلى عيشة
ويحس بأمان
والكل ياخد
حقه بتساوي
ولا دا ينهب
ولا حد يتعب
والكل يطلب
رضا الرحمن
ولا يبقى وسطنا
ضايع أوفقير أوغلبان
بقلمي
صلاح شعبان
