جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
أيامنا الحلوه
،بقلم الشاعر،،هانى العاملى،،
راحت فين اايامنا الحلوه
راحت فين اجمل لياليها
جريت ليه اوام على سهوه
ولاحدش منا حاسس بيها
هى الدنيا جرا فيها ايه
ومحدش فيها بيضحك ليه
ايه اللى بيجرا للناس فيها
راحت فين أيامنا الحلوه
راحت فين اجمل لياليها
راحت فين صيانة العشره
اللى أتربى الكل عليها
راحت فين القاعده الحلوه
وصوت الست ملعلع فيها
ساعة المغرب ويا القهوه
واحنا معاها بنغنيها
هى الدنيا جرا فيها ايه
ومحدش فيها بيضحك ليه
ايه اللى بيجرا للناس فيها
راحت فين أيامنا الحلوه
راحت فين اجمل لياليها
