ايام زمااااااان

ايام زمااااااان..
ايمى محمد..

أجيب لك ايه و انا جاية؟.
هاتلي زماااااااان
هات لى مخدة احط عليها راسى لانام
هات لى قلب يزعل بس يصفى قوام
هات لى ساعة براحة بال وحبة فرح
وهات اقفال اغلق بيها باب احزانى
و هات م الحب مليون حضن
و هات لى معاك شوية صبر
وهات لى للخواطر جبر
هاتلى أمان وضحكة طالعة باطمئنان
اقولك علشان ما تتلخبطش ..
هات لي العمر من الأول
وهات حبايبنا من تاني وهات الجيرة والصحبة كمان..
وهات قلب مايسودش وعيون جميلة ماتحسدش
وعيش وملح ما يتخانش
اعطينى بعض الأمان.
عود لى تانى ورجعلى زمااااان..