انتفاء الذات

انتفاء الذات
بقلم رجب أبو الحسن

اللي صابني مش صبو ..
ولا مغرم صبابة..
و لا صبا زينة الصبايا…
ولا اقتراب الخريف
اللي صابني شيء مخيف…
اسمه انتفاء الغاية..
رغم ارتدائي هدمة العماليق ..
وظهور جريء..
والخشم ده بيبل ريق ..
إنما خلف الضيا عتمات ..
أنا اللي كاتب ع السحب أبيات ..
وناحت صخور اليأس تباشير ..
وف عز أمشير ..
ارسم شموس توهب حياة ..
إنما جوه الشموس أنات
بتتدارى ..
مش حقها تظهر ..
.أنا أصلي متشاف بالعيون..
ما حد شاف غير منظر ..
ما سمعش صوت الآه الخنيق
أفراد …
الصمت ده الناطق
بأبلغ من الضاد ..
ما وصلش غير ودني ..
أنا اللي سامع شكوة المخاليق..
حتى اللي ما ودني ..
الصوت مستحي يخرج …
وكفاح مقيدني …
وسلو البلد بيقول
الشهم ما يدني
اللي صايب قلبي
مش غدر …
ولا انتصاف البدر ..
ولا اقتصاص العمر
و لا انحراف السير .
.اللي كسر ضلعتي ..
وزرع الطريق بالكير…
انتفاء الذات …
و إنك تبص تشوف
يا دوب …
غيمة مسرات