ام بتسألني

وبتقول ابني كتوم ومش بيحكي معايا ولا بيشاركني اي تفاصيل حصلت له خلال اليوم ايه السبب ؟

الاسباب : ـ

# ان الطفل ده لما كان بيعيط و يحكي عن موضوع او يعبر عن حاجه مضايق منها كان بيترد عليه (بطل شويه انت اوڤر اوي كل شويه تحكي وتعيط على نفس الموضوع )

يعني كنتي بتقبلي مشاعره بستهزاء وعصبيه .

فبدأ يوصله اشاره ان انا غير مقبول وان مشاعري غير مهمه (فابدأ يكتم مشاعره جواه ) عشان مشاعره ما تتقابلش بسخريه واستهزاء او عصبيه

# سبب تاني :ـ

ان لو طفلي جه قال على حاجه عملها كان رد فعلي كبير ومبالغ فيه فابيقول لنفسه ليه اقول وماما تتعصب وتتضايق فابيسكت ويكتم جواه خوفا من رد فعلك .

اتصرف ازاي :ـ

*علمي ابنك يعبر عن مشاعره

ازاي

يعني لو طفلي بيعيط مضايق اقول له انت زعلان انت بتعيط عشان تعبان ،

لو بيضحك اقوله انت مبسوط فرحان ، لو بيزن اقوله انت بتزن عشان انت جعان ……وهكذا

السبب الثاني :ـ

*اخلي رد فعلي متزن مايبقاش رد فعلي مبالغ فيه

لو ابني كبير شويه وفعلا اصبح كتوم اعمل ايه ؟

اولا :ـ

ابدأ اطمنه واوصله ان مشاعره مهمه بالنسبالي اذا كنت زمان بقابل مشاعره بسخريه واستهزاء فلازم اوصله رساله جديده ان مشاعره مهمه جدا بالنسبالي

اعمل ده ازاي ؟

ابدأ اتكلم معه واقول له ان انا بحبك اوي واحضنه حضن كبير لحد ما هو يشبع من الحضن ويسبني هو واكرر ده كتير. …….

وابدأ اعلمه ازاي يعبر عن اللي جواه وابدئي بنفسك عشان هو يقلدك بالتابعيه

يعني مثلا هتقعدي معاه وتقوليله ان انا حصلي موقف النهارده عوزه احكيهولك عشان ان اكتر حد بحبه واثق فيه وابدئي احكي له وبعد ما تحكي اسأليه ايه اكتر حاجه حصلت ليك النهارده وضيقتك وشجعيه يحكي

وحددي سوألك بلاش نوع الاسئله زي انت عملت ايه في المدرسه النهارده ده سؤال كبير مايعرفش يجاوب عليه

خلي سؤالك سهل وبسيط زي

في حاجه ضيقتك النهارد في يومك ؟

ومع الاستمرار والاهتمام هتلاقي نتيجه كويسه .

ولازم تفهمي ان مشاعر الطفل لو ما خرجتش وقدر يعبر عنها هتتحول لغضب وعصبيه على اتفه الاسباب

ولو حصله موقف هياخد رد فعل مبالغ فيه .

افهمي طفلك

اسمعوا تفاهات اولادكم قبل فوات الاوان

دمتم بخير وسعاده

نجلاء بدر