جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
حوار / منى ادريس
الرجوله والجدعنه زي مابيقولوا بالبلدي مابتتشريش .. بتتولد مع الانسان فمن شب علي شيء شاب عليه … ويمكن احيانا بنلاقي نماذج من اللي بنتكلم عنها فى المناطق الشعبيه بالذات …اللي بنتكلم عنه ده عنتر زمانه .. قيمه وقامه فى الرجوله الصح .. مثل يحتذي بيه فى الجدعنه … لو لك حق وقصدته اعرف انه راجع راجع … كلمته مسموعه فى منطقته واوامره بتتنفذ على الكبير والصغير .. الوطن الاكبر التقت اصل الشهامه الحاج بدوي صفوت امير المصالحات العرفية واجرت معه هذا الحوار فالى التفاصيل .
بداية نحب نعرف القاريء من هو بدوي صفوت ؟
انسان بسيط جدا …نشات وسط عيله مكونه من ست اولاد ،اخويا الكبير رباني على الجدعنه وحب الخير ومساعدة البسطاء ، والوقوف بجانب المظلومبن ورد الحقوق لاصحاب .
ياتري مين مثلك الاعلي في الشهامه والرجوله من المحيطين بيك؟
انا اصلا من مركز ابو تيج فى الصعيد ،اخويا الكبير كان شهم وجدع قوي رباني ع الاصول وحب الحق والخير للكل ..
ايه اللي خلاك تحب تتعامل مع الناس فى موضوع رد الحقوق لاصحابها ومين اول حد جبت له حقه وجبته ازاي؟
اللي حببني فى الموضوع ده اخويا الكبير زي ماقلت لك وامي كانت ب 100 راجل وياما جابت حقوق ناس وكانت كلمتها مسموعه ..مش فاكر بدأت بمين من كتر ماخدمت ناس الحمد لله .
ماحصلش مشكله مرة وانت بتسترد حق حد واضطريت تتعامل معاه بعنف ولا ده بعيد عن نطاق تعاملك في هذا المجال؟
انا بجيب الحق بالذوق والادب والكلمه الحلوة بتحرج اجدع شنب …والحق حبيب الله مايجيش الا بالكلمه الطيبه .
ياتري تفرق معاك لو ست استنجدت بيك او راجل وكيف يتم التعامل مع كلا منهما؟
والله سواء ست او راجل انا مااتاخرش عن اي حد …الحمد لله الكل عارف ان بابي مفتوح للناس ٢٤ ساعه
احساسك ايه بعد مابتنجح في استرداد حقوق الناس وهل اهل بيتك سعداء بتعاملك في هذا المجال؟
بكون سعيد جدا طبعا لرد حق لاصحابه ودي نعمة ربنا عليا …وطبعا اهل بيتي فخورين جدا باللي باعمله الحمد لله بتوفيق ربنا سبحانه وتعالي …
كيف يكون تعاملك مع الاخر في استرداد حقوقك انت الشخصيه ؟
بنفس اسلوبي مع الجميع لان حقوقي لاتختلف عن حقوق الناس ابدا …وفي كلتا الحالتين الادب والذوق والكلمه الطيبه هما اساس تعاملي مع الاخر
هل حدث في احدى المرات رفض من الطرف الظالم رد حق الاخر وكيف تتعامل مع ذلك؟
لا ماحصلش الحمد لله ده خالص.. لاني اسلوبي ف الكلام بيحرج اي حد ظالم وبيخليه يحس بغلطه ويعتذر … البركه من ربنا …
نحب نعرف ماهي الطرق التي تتبعها عادة في جلب حقوق المواطنين ؟
زي ماقلت لحضرتك طريقتي ف التعامل بالادب والكلام ف الصح هوه الاسلوب الامثل في حل كل المشاكل …لان الكلمه الحلوة سلاح ياسر اي حد ويلين الحديد..
كان لي انا شخصيا مشكله مع شخص ما تعذر عليا حلها لكنك تدخلت بمحض الصدفه وانهيتها تماما وبالطبع لك جزيل الشكر علي ذلك …متي تتدخل لحل مشكله وهل لابد من طلب ذلك منك ام انك تتدخل بدافع الخير عفويا؟
والله لو شفت موقف مش لطيف وحد بيستنجد بيا من الشهامه والرجوله اني اقف معاه ف الحق طبعا …ولو شفت موقف فيه ظلم والطرف المظلوم ماطلبش مني التدخل اكيد مش هاستني واتدخل بشكل يحل المشكله بذوق وشياكه دون ادني تصعيد …
ماذا تقول لمن يستحل لنفسه الحرام ويمنع الحق عن اصحابه؟
اقوله الحرام مابيدمش واللقمه الحلال فيها البركه …وطول ماانت ماشي ف الخير والحق ربنا هيبارك فيك ويكرمك اخر كرم …كفايه ان ربنا من اسمائه الحق ..
علمنا من بعض المواطنين انك تقوم باعمال خير في الخفاء ابتغاء لوجه الله تعالي …اكثر الله من امثالكم ولك اخيرا كل التحيه والتقدير مني انا شخصيا ومن اسرة الجريده ..
ج/ ربنا يخليكي وانا بشكر حضرتك وادارة الجريده علي اللقاء الجميل ده وربنا يجعلنا نسعي دايما ف الخير والحق باءذن الله تعالي ..
مني إدريس جزيل الشكر لك
