أخبار عاجلة

الوعى للجميع.. /َقال اللواء سامي دانيا                     على مسئوليتى الشخصية

الوعى للجميع.. /َقال اللواء سامي دانيا 

                   على مسئوليتى الشخصية

بلاش تدمر نفسيتك ونفسية اسرتك ونفسية المجتمع كله … بلاش تشارك فى هدم وتدمير بلدك ومستقبل اولادك واحفادك بلاش ارجوك

                            هااااااااام جدا

=== هو فى جديد ؟؟؟ فى حاجة مش معروفة من سنين؟؟ هو إيه إللى بيحصل ؟؟؟ 

==آخر تقرير: موضح ما يتم عالمياً: والإتجاه دائماً أهم حاجة فيه الإقتصاد ..بنكرر طول الوقت ونذكر الناس إيه إللى أنشأ دول الخليج ؟؟؟إتفاقية سايكوس بيكو (ومنذ النشأة والوضع كما هو ولن يتغير) ..

= السودان رسمياً إتهمت الإمارات أمام محكمة العدل الدولية وبأدلة دامغة إنها تهرب السلاح للمتمردين!!!= سفينة_السعودية إللى عليها اللغط كله إللى إسمها بحرى ينبع محملة بالأسلحة وجهتها النهائية أبوظبى 

طيب ده خط السير الرسمى 

لكن حد فى السعودية يقدر ينفى إن الوكيل الرئيسى لتشغيل السفينة خطوط ملاحة زييم العالمية (الإسرائيلية) ؟؟؟== وإلحقوا إسرائيل هتحتل غزه ؟؟؟بجد ؟؟ هيا كل ده لسه مش محتلة غزة؟؟🔴🔴 إلحقوا مصر بِتْصَعَّد والمقصود مصر شكلنا داخلين على حرب مع إسرائيل .كتر خيرك بجد إنك نبهتنا، تصدق مكنش حد واخد باله لا قيادة سياسية ولا مخابرات ولا جيش نلحق نقول للقيادة السياسية والجيش يعملوا حسابهم . 🟢 قلنا زمان كانت حروب تقوم وتنتهى والخبر مسمعناش حتى عنه!!!🟢 قلنا كل إللى بيحصل ده بدايته كان غزو العراق، لَمَّا قناة الجزيرة أعلنت سقوط بغداد وإنسحب الجيش العراقى ودخلت أمريكا بلا مقاومة يعنى التكنولوجيا أصبحت هيا الحرب!!!🔵 حالياً كل العالم أصبح فى قبضة يدك الخبر فى ثانية حدوثه نراه 

(لكن مش ده المهم) ..المهم إزاى أهزمك من الداخل، أخليك دايماً بتحارب طواحين الهوا، ألخبط دماغك وتفكيرك، إللى مش هيستوعب تعقيد المشهد وتشابكه، أهزمك ذهنياً.

وأخليك مش فاهم حاجة، إزاى مصر والإمارات زى الفل، وإزاى الإمارات بتمد المرتزقة فى السودان بالسلاح، وده بيدمر مصر مباشرة؟؟

🌺قلنا_وبنعيد_بشكل_يومى: العلاقات بين الدول مصالح فقط لا غير لا أصحاب ولا أشقاء ولا غيرها!!! إحنا_والإمارات مصالحنا مع بعض مش كلها واحدة، فى توافق فى مصالح …. وفى مصالح للإمارات متخصناش …. ولا تعترض مصالحنا، وفى مصالح للإمارات فى السودان تعترض وتخالف أمننا القومى المصرى تماماً!!! 

🌺 مصالح مشتركة، إذن تمام زى الفل!!!

🌺 مصالح متخصناش، مالناش علاقة بيها أياً كانت!! مصالح_ضد_أمننا_القومى، هنولع فيها، زى الثلاث طائرات إللى تم تدميرها بمن فيها، من المرتزقة، بالخبراء، بالأسلحة، بمطار كسلا بدارفور، السودان إللى كانت رايحة لحميدتى!!! وقبلها تشاد!!!وقبلها إفريقيا الوسطى وكل المساعدات سلاح لحميدتى، مقابل ذهب من مناجم السودان 

(طيب كمان هناخد الذهب بتاعكم) 

وعادى جداً، بكل إبتسامة جميلة هنْعَلِّم عليكم بشكل كامل!!! (ده قلناه مليون مرة خدوه كنموذج) وقلنا_بوضوح_قبل_كده مصر لن تسعى لحرب غير من أجل مصر، وشعبها فقط لاغير، وأى حرب هتأخرنا ١٠٠ سنة للخلف!!!

 وقلنا إنت مش دورك تِشْغِل بالك، ولو مصمم إشغل ودمر أعصابك بالشفا إعرف تماماً إن فى قيادة وأجهزة ومؤسسات وجيش ده دوره وليس حضرتك لا_قدر_الله: هفترض أن قامت حرب هنا، هيبدأ دورك كشعب أو كمواطن، وبرضوا هتحدده طبيعة الحرب ونظامها ومجريات القتال ووقته يعنى حسابات معقدة 

وقتها القيادة السياسية هتقول للشعب بدقة مطلوب منه إيه!=يعنى حالياً مش مطلوب منك أكتر من إنك تركز فى حياتك، وتدير أمورها، وكفاية عليك جداً مصاعب الحياة، كفاية تزود حملك وهمك وتتعب نفسيتك ونفسك بحمل هائل إضافى ( لإنه حمل وهمى ومش حقيقى) ..=حمى_الشير وصورة مصر التى أصبحت من أسوأ ما يكون بيدى أبنائها : 

= الحقيقة قلنا كتير وهنقول تانى رغم إحساسنا إن الكلام أصبح غير مُجْدِى ومالوش أى لزمة!!! إنت أو إنتى هل حسابك الشخصى على الفيس بوك هو (صفحة حوادث) ؟؟؟؟

=الإجابة بالطبع لأ ..= طيب فى حد ميعرفش صفحة وزارة الداخليه أو الصفحات الرسمية للتأكد أو متابعة أى خبر (كل الناس عارفاها وبتابعها) ..🔴 ليه_صفحاتكم كلها أصبحت صفحة حوادث وواجهة لكل ما هو سلبى ومقزز ويسئ لبلدك إللى هيا بيتك وأهلك وصورتك ؟🔵هتستفيد_إيه_لَمَّا_تشير_خبر_وصور_حادث ؟؟؟■= هل إشتركت بالشير فى إسعاف مصابين؟؟ لااااا ..■= هل شيرت بتبلغ جهات أمنية لضبط المسئول ؟؟ لااااا ..

🟢 وزارة_الداخلية_والنيابة_العامة محددة أرقام واتس ومليون وسيلة، إنك تبلغ بيها على المخالفات وهيتحركوا بنشاط ويجيبوا المتسبب، ليه مٌصِرِيِن نكرر النشر على الفيس ؟؟؟ ( لازم نشارك العالم كله ؟؟؟) 

= طيب إنتشر الموضوع، ووزارة الداخلية مسكت المتسبب ونزلت الخبر على صفحتها 

ليه بترجع تشير الخبر تانى على صفحتك 

كل أصحابك إللى عندك برضوا عارفين صفحة وزارة الداخلية زيك!!! 🔴🔵🟢 والصدمة الأكبر وهذا حقيقى نفس السيد/السيدة إللى مشغلين صفحاتهم فى حمى الشير لكل شئ وأى شئ وبالذات الحوادث يكتبون هو إيه حصل فى الدنيا!!! الدنيا مبقاش فيها أمان خالص!!!إيه كمية البلطجة دى ؟؟؟

هيا ليه البلد سايباهم ؟؟؟

🔴 الجرائم_والبلطجة، من أيام بداية الخليقة ولنهاية الزمان موجودة وهتفضل موجودة!!!

🔴 وفى كل دول العالم موجودة وبشكل أسوأ من مصر!!!🔴 ومش بنتكلم عن دول فقيرة، لا بنتكلم عن أمريكا وبريطانيا وغيرها!!!

🔴 ومناطق كاملة فى مقاطعات وولايات ومدن، لا يجرؤ مخلوق يدخلها غير سكانها!!! 

الدنيا مبقاش فيها أمان، بسببك وبسبب حمى الشير بتاعتك، إنت وملايين المصريين غيرك إللى بتصدروا مشهد لقلة لا تتعدى واحد فى الميت الف، وتحوله، كان ده طبيعى وتحت كل بيت وفى كل شارع وفى كل مكان!!! تيك توكر وبتشير ومتابعين بالملايين هو إنت نفسك يا إبنك يا بنتك الأهم من الشير، سيطر على ما يخصك هيتقفل الباب ده من الأساس لإن المتابعين الأكبر لمهزلة التيك توك هم الجمهور وملايين الشعب المصرى!!! 

بنشتكى من دول بتهاجمنا وبتصدر كل الأخبار الوحشة عن مصر أحلف لكم إن نفس الأشخاص إللى بيصدروا ما هو وطنى ويدافعوا عن مصر ضد الحملات المغرضة الخارجية

هما هما نفس الأشخاص إللى بيقوموا بدور أكبر مليون مرة وبيشيروا كل ما هو سيئ وكل ما يسئ لمصر ويشوه شكلها وشعبها : 

■= حوادث!!!

■= إعتداء على أطفال!!! 

■= خبر عن تجارة الأعضاء!!!

■= حوادث طرق!!!

■= حوادث قطارات!!!

■= جرائم قتل الأم لأبنائها أو أب لأسرته!!!

■= حرائق خاصة أو كارثية وكبيرة!!! 

■== كل حاجة وحشة وأى حاجة وحشة تيجى فى طريقه بيشيرهاوالبوست إللى بعده على طول يتكلم بوطنية عن قناة الجزيرة المغرضة وإزاى بتشوه صورة مصر ومركزة على الحوادث إللى فيها!!! إزاى مفيش ربط ذهنى إنك بتإذى الناس إللى كل ما تفتح تلاقى أخبار زى الزفت لَمَّا الناس كرهت تفتح الفيس زفت!!! إزاى مش شايف إنك بتدمر بلدك ونفسك ؟؟وإزاى ليك عين ترد على حد من بلد تانى بيهين بلدك ويقول بلطجية وتجارة أعضاء وغيرها (رد ودافع لو إنت مش شريك فى جريمة تشويه بلدك وتحقيرها) ..رد ودافع لو إنت بجد شايف إن قلبك على بلدك ونفسك تكون أحسن!!! صدرتوا مشهد سلبى سيئ غير حقيقى للمصريين أنفسهم، لدرجة إن الشعب المصرى نفسه صدق إننا أسوأ بلد فى الدنيا 

ولَمَّا نكتب إحصائيات دولية مش مصرية كل الناس بتتفاجئ إن مصر الأفضل إفريقيا وعربياً وإسلامياً وكمان على المستوى الدولى!!! 

وكل دول العالم المتقدم والغنى شرقاً وغرباً بيصنفنا وجهة آمنة للسفر وآمنة للغاية وفى ترتيب أفضل كثيراً جداً من دول غربية كثيرة

(وإنت بتشير بلا وعى والناس تقول مفيش أمان) إرحموا بلدكم ونفسكم حرام عليكم.

====حفظ الله مصر وشعبها بخير وتقدم وأمان……نحمد ربنا ….. وإذكروا الله كثيرا لعلكم تفلحون.

شاهد أيضاً

محافظ كفر الشيخ يصدر حركة تغييرات محدودة لرؤساء المراكز والمدن.. لضخ دماء جديدة وتعزيز كفاءة الإدارة المحلية.. وفق معايير الكفاءة والتميز الإداري.

متابعة الإعلامية ستيرة عطية  أصدر اللواء دكتور علاء عبدالمعطي، محافظ كفرالشيخ، اليوم الثلاثاء، قرارات جديدة لتعزيز …