جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
النابغة المصرية
كتبت / زينب الجندي
حصلت على المركز الأول على العالم فى معرض إنتل للعلوم والهندسة الطالبة ياسمين
النابغة المصرية ياسمين يحيى مصطفى حديث العالم كله الآن يبدو أننا علي موعد مع احمد زويل جديد ..شركة هاينمان الأمريكية اختارت قصة النابغة ياسمين يحي مصطفي بنت قرية المنازلة بمحافظة دمياط عشان تتعمل كتاب ويتوزع منه مليون نسخة علي المدارس والجامعات عشان الطلاب يتعلمو منها ويحاولو يبقو زيها ؛
وياسمين حصلت علي المركز الأول علي العالم في معرض إنتل للعلوم والهندسة من بين ١٧٠٠ متسابق من اكتر من ٧٨ دولة، واللجنة اللي كانت بتحكم كان فيها أعضاء واخدين جائزة نوبل عشان تبقي الشخص العربي الوحيد اللي حصل علي هذه الجائزة منذ انطلاقها وهذه تعتبر من أكبر الجوائز في العالم التى يتم تخصيصها للمشاريع العلمية الواعدة ..
مش بس كده ؛ وتقديراً للإنجاز ده وكالة ناسا الفضائية أطلقت إسم عائلة ياسمين علي مجموعة من الكويكبات اسمها (MOUSTAFA31910 ) .. انتو متخيلين العظمة والروعة .
ياسمين عندها ٢٣ سنة بس ورغم كده بيتم دعوتها للمحاضرة في المؤتمرات الدولية الكبري وحاليا بتشتغل علي اكثر من مشروع علمي وبيتوقع لها مستقبل باهر وبإذن الله شكلنا قريب جداً هيبقي عندنا أحمد زويل جديد ؛ ودايما مصر فيها حاجه حلوة .
مصر ولادة بابنائها الأوفياء المخلصين .
