المواقف السلبيه والأزمات والمشاكل

بقلم الدكتورة : هدير سعيد

أخصائي نفسي وتعديل سلوك وعلاج إدمان

المواقف السلبيه والأزمات والمشاكل مش شىء وحش خالص على الاطلاق زى ما فى ناس كتير فاهمه بالعكس.

بتخليك أقوى بكتير بتعملك صلابه نفسيه.

بتديلك خبرات قويه للمستقبل.

بمثابه إختبار قوى ليك من ربنا.

بتخلق عندك نوع من التحدى والإصرار والعزيمه.

بتحفزك دايما للقادم كنوع من التحدى والفضول والإستعداد.

بتكشفلك معدن كل الناس الفالصو اللى حواليك.

بتزودك مهارات اعلى من مهاراتك القديمه والاشخاص اللى حواليك.

بتخليك أنضج بكتير عن الماضى بتكشفلك جوانب قوتك وضعفك.

أوعى تخاف من الأزمات أو المشاكل أو الظروف قابلها بكل ترحيب، خليها مجرد تحدى وفضول وخبره ومهاره هتكتسبها.

متديش لها إهتمام كبير ف تفكيرك، المثل الشعبي بيقول اللى بيخاف من العفريت بيطلعله.

ما بالك أنت لو مش خايف منه وقادر ع مواجته في أى وقت شوف الشعور اللى هيتغير عندك ف الحاله دى من إستقرار وهدوء وراحة بال،   هو ده التفكير اللى بيفرق بين شخص قوى و شخص ضعيف طريقة تفكيره وتقييمه للأمور اللى بتنعكس على مشاعره وإنفعالته.

المواقف السلبيه والأزمات والمشاكل بقلم الدكتورة هدير سعيد