المواجع

المواجع….
كلمتين مكتوبين جوه هامش
قالت لمين ؟؟
قلت دول من زمان مكتوبين
لما كنا صغيرين…
يعني ايه ؟؟
يعني عادي….
كنا لسه بنشتهجى
كيف يكون الحرف بلسم
كيف يكون الحرف قاسي
كيف يكون وقت الشدايد
يقدر يواسي
كيف يكون بحر هايج
كيف يكون كيف المراسي
كنا لسه من غير هموم
كيف عيدان القمح لخضر
وسط محصول السنابل….
كنا بنحاول نكون قيس وليلي
كنا رافضين اللي رافض حبنا
كيف القبايل حتي لو قررنا
نبعد كنا بنشلها جمايل
كنا و كانت و لا خنتها
و لا هيه خانت….
و الجراح اللي مابينا
فعل ماضي مش شرط
تبقي مالاعادي
أنت فاضي ! !…..
إفهمي
الكتابة غصب عني
زي وحي الروح بينزل
غير إرادي
هيه حاله ببقى خارج
عن حدود الإستحالة…..
أنت بالنسبة لي حياتي
كل حاجه
إن كتبت كلمه حلوه
هيه ليكي وإن كتبت
عتاب بيوجع هوه فيكي
وأن كتبت اتمني حاجه
ببقي نفسي أشوفها فيك
أنت عايش بنا شارد
ببقي رافض إن اشوف
نفسي عاجز
المرار شادد عشتنا
بس راضي
عمري ما قصرت لحظه
كل احلامك مجابه
حساك في زحمه
الزحمه وقت الصعب ديما
تبقي رحمه
الهموم خنقه عيونك
بالدموع
و أنت بتضحك برضه
عادي
أنت مش حاسس بنفسك
اصلي أنا فيكي دايب
أنت حتى صرت شايب….
عمري ماحستها عيب
عيب أقولك المثل اللي أنت عرفه
حب إيه اللي أنت لسه عنه كاتب
يعني اكتب في السياسة
ولا في فن الطبيخ
حيلتك ايه غير الكلام ؟؟
و حكاياتك و المواجع
كام قصيده و كام ديوان…..
خلصتي حصه النصايح
و لا فاضل فيه ملام ؟؟
الكتابة شئ في دمي
ذنب منه مش هتوب
لسه فاضل أصل أنا
من غير كسوف
غيرانه من كل البنات
اللي داخله تقول دا رائع
و اللي هيمانه بكلامك
واللي مش قدره تخبي
قد ايه كنت غايب….
الكلام ده مش لشخصي
الكلام ده للقصيده اللي
كتبها في عنيكي
أنتي مره شفتي مني
فعل خارج أو تجاوز
هما اصل الاحترام ممنوع يكون فيه تجاوز
أصلك أنت من كلامك
الحجر بيدوب هيام
والسكات اللي أنت شايفه
لو فردته بحر عشق و ليل غرام…….
بس مش بعرف اعبر
زي ماانت في الغرام

وحيد علي الجمال ١٢ / ١٠ / ٢١ ٢٠
سرس الليان / المنوفية / جمهورية مصر العربية