جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
المال أقوى من الحب
كنّا صغار نلتقي عند ستها وجدها الختيار
نلعب سوا تحت سنديانة فيّتها فوق الدار
تحت شبّاك عليّة جدّي أبو حسن المختار
ونلعب ونغني أغاني الحب لمطربين كبار
تسمعنا ستها غنوة تقول حلوين يا صغار
أغاني إلهامعاني صحابها من خيرة الشعّار
عرفنا الحب ولعبنا بيت بيوت أكثر من نهار
نعمر بيوتنا الصغيرة بشوية طين وحجار
باعتقاد الجدة والجد بعدنا براعم حمروقمار
آه كبرنا والبنت صارت دكتورة وباختصار
والصبي كبر وتعلم وتخرج وصارنسر طيّار
وما عدت تسمع عنه إلّا طارمن مطار لمطار
وبيوم بيتقدم للصبية شب مصرياته كثار
قلبي أنا عند الخبر شعل بالفكر وبالقلب نار
قلت صح المثل المال بيشتري وبيغير مصار
ياريت العمر بيرجع ومنبقى ولاد نجمع الأزهار
الشاعرسمير شيّا
