جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
الكريسماس
جمال الشرقاوي
الكريسماس أحلىَ ليلة
فــ السنين دي كلها
بيجمَّع الأحباب
بيفرَّح الأصحاب
كل القلوب فــ الليلة دي
بتبقىَ عند بعضها
الوطن .. بيحب يسهر فــ الكريسماس
علىَ وِحْدَة و حب و رحمة و ود و الإخلاص
كل الوطن .. بيتقرَّب م يتغرَّب
بنيجي لنبع الحب نتشرَّب
و نتعلـِّـم بقىَ الإحساس
أحلف بحياتي كلها
الكريسماس أحلىَ ليلة
فــ السنين دي كلها
بيجمَّع الأحباب
بيفرَّح الأصحاب
كل القلوب فــ الليلة دي
بتبقىَ عند بعضها
فــ الكريسماس .. ناخد دنيانا بالأحضان
بنعيشها ليلة .. بالعمر و الأزمان
يــ ريتنا نتقابل و ننسىَ بلاش عتاب
يـــ ريتنا نحضن بعضنا من غير حساب
ليلة فيها العفو و الإحسان
هاتولي ليلة فرْح زَيَّـهَا
الكريسماس أحلىَ ليلة
فــ السنين دي كلها
بيجمَّع الأحباب
بيفرَّح الأصحاب
كل القلوب فــ الليلة دي
بتبقىَ عند بعضها
القاهرة \ أسد الشعر العربي ( جمال الشرقاوي ) كاتب و شاعر و باحث \
