جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
مقال/ من يوم القهاوي بقت كافيه/ستيرة عطيه
#من يوم ما الكاكاو بقي هوت شوكلت …
و البليله بقت بينز …
و الفيشار بقي پوپ كورن …
و الملوخية بقت جرين سووپ …
كله كوم و ‘جرين سووپ’ دى كوم لوحدها طبعا …
و القهاوي بقت كافيه …
و القهوه نفسها بقت كوفي … ايشي تركش و اميريكن و كمان الحليب بقي ميلك …
و من ساعة ما الكلسون بقي ليجن …
واللباس بقي بوكسر
و البقسماط بقي باتون ساليه …
و الفطير بقي اسمه كريب …
من ساعة ما العري بقي أوبن مايندد …
و الهدوم المقطعه بقت ستايل …
و المخدرات بقت روشنه و صياعه …
من ساعة ما الراجل بقي مُز … و البنت بقت رجوله …
و العادات#الشرقيه بقت موضة قديمة …
و ‘السلام عليكم’ بقت عادي …
من ساعة ما الخلافات بقت أون لاين …
و الزعل بقي بلوك …
و الضحك بقي ايموشن …
و كمان بقينا نكتب عربي بحروف #انجليزي من باب الروشنه …
ومن ساعة ما البني آدم بقى قيمته ف لبسه و نوع موبيله مش ف أخلاقه و احترامه …
من ساعه ما بقينا نحس بالوحده في وسط أهالينا …
من ساعه ما القرايب بقوا عقارب …
والصحاب بقوا خاينين …
هو أحنا اتغيرنا أووووي كده ليه ؟ والناس مبقتش زى زمان ؟ و قال بنسال نفسنا الدنيا ليه مبقتش زي زمان ؟
الناس اتغيرت … و نسينا كل عاداتنا و أصالتنا و جذورنا … قطعنا أرحامنا وفقدنا إحساسنا بالمحتاج (مش شرط محتاج فلوس .. حتي اللي محتاج عطف وجبر خاطر
#الطيبة_والناس الحلوة
