جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
العفن الفني
غمض عينك وانتش واجري
خليتوا عقلنا يركب مجري
وسرايا صفرة فتحت بدري
عفاريت حاضره بدري ووخري
يااللي درست الفن ف حضره
ليه بتبيعوا العتبه الخضره
والله صوتكم جابلي الحسرة
فين بقى حلمي من أصواتكوا
التافهة الناكرة
داللي ينعر زي البقره يبقى ترند
ونال الشهره
واللي ينهق واللي يمأمأ
واللي حلقلي دماغه ظلبطه
واللي يغني عشان البطه
وكل كلام أغنيكوا منحطه
يااللي ظلمتوا الفن الهادف
أنا هحربكم أنا مش خايف
كل كلامكم.والله هايف
ده تنعير مش فن وهادف
ده تعكير ترموه في مصارف
اللي يغني لسيجارة بني
واللي يجعر قال بيغني
واللي يزعق ويصدعني
عايزين ايه دانا قلبي وجعني
فين يااخونا اصحاب الفن
يلحقوا عقلي خلاص هتجن
توكتك ماشي بمهرجنات
والسواق ده ناقصله صاجات
والسماعة شغالة ع الأخر
وماشي يعاكس في الستات
وان جيت تنصح فيه وتعقل
تبقى دخلت كده ف حورات
إما هتظهر في مين الجاني
أو في القصر العيني تبات
حولوا صوت الحق سكات
عدنا بنسمع مش خيبه واحده
كل سمعنا بقى نكبات
نكبة بتحكي خاله السيد
خد ورث أمه وعدا وفات
وفضحه فضيحه كبيرة
بصاجات
بعد ماكان للمغنى حلاوه
وانت بتسمعه قلت أهات
كان فيه مطرب بس بجد
وكمان فيه أجمل كلمات
مش دالوقتي بقت تفاهات
فين أمناء الفن وأهله
يبجوا ينضفوا طبل اودنا
من القازورات
بقلم الشاعرفهمى محمود حجازى
