جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
الزبالة والنباشين .. مسلسل مستمر في حي ثالث الاسماعيلية..
متابعة منال خليفة
طبعاً مفيش أتنين بيختلفوا على موضوع الزبالة في الاسماعيلية والمنظومة الغريبة اللي تعبت المواطنين.
زي ما حضراتكم شايفين واحد من النباشين اعتبر انه امتلك المكان طبعاً وعمل خيمة وبدل ما الزبالة تبقى داخل الحاوية اللي هي أساساً في نص الشارع هو كمان خد النص التاني.
الحق مش على النباشين لأن المحافظة لو فيها قانون يطبق كان الكل خاف من العقاب ولكن من يطبق القانون على هؤلاء ؟؟.
الأخ رئيس حي ثالث بعد شكوى من الأهالي تحرك وطلب الشرطة لصاحب الخيمة .. يعني أنا أفهم من كده أن لو الأهالي سكتوا مكنش الحي تحرك والا شافوا المنظر اللي أمامكم في الصور .. المعبرة بالفعل عن أداء حي ثالث ومتابعتهم لقطاع النظافة !!
كلنا نعلم بأن النباشين مشكلة كبيرة وموجودة في كل مكان بالاسماعيلية والكل يعلم بأن هذا العمل اقتصاد حر يديره الكثير وبمساعدة مسؤولين ..
النهاية ..
اتمنى ان يفكر المسؤول بالمحافظة خارج الصندوق وتفعيل قانون يمنع عمل النباشين مع العلم بأن المحافظة لديها مصنع لتدوير القمامة المفترض أنه قائم على المخلفات التي يستخرجها النباشين.
