الحلم الثائر

#الحلم_الثائر

#كلمات_ايمن_شتا

في ليلة ثار الحلم..

حطم حيطان اليأس..

وسجنه كان ضالمة..

أسواره فقر وبؤس..

قرر خلاص يظهر..

ويعدي كل حدود..

وينادي مش هرجع..

في الدنيا انا موجود..

والكل يتفرج..

ويقولوا بيهرج..

بكرة يموت الحلم..

ولا يتسمع له صوت..

والحلم كان ثاير..

لكنه مش قادر..

متكبلة رجليه..

ومعصبن له عنيه..

معذور مفيش حوليه..

اي ودان تسمع..

والكل يتفرج..

ويقولوا بيهرج..

بكرة يموت الحلم..

ولا يتسمع له صوت..

يا حلم جوايا..

مخنوق ومتكتف..

بشوفه في مرايا..

ميت ومتكفن..

وكفنه كان مقطوع..

بيغسلوا بدموع..

وصوته مش مسموع..

يا حلم يا ممنوع..

لضلمتك ارجع..

احضن حيطان اليأس..

وأسكن في فقر وبؤس..

وبلاش في يوم تثور..

يا حلم يا مبتور..

إياك في يوم تثور..

كلمات الشاعر ايمن شتا

شاهد أيضاً

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025 كتبت / #جيهان_يوسف …

بدء تجهيز انطلاق ملتقى الفن والإبداع في دورته الأولى

بدء تجهيز إنطلاق ملتقى الفن والإبداع في دورته الأولى برعاية #المخرج_بيسو_عامر كتبت الاعلامية/ #جيهان_يوسف ينطلق …