جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
الحاراتي
متسواش
وكان
يناديني من الشباك
بشويش اطلع ياواد
صوتك ميعلاش
اللي يعلي صوته
مترباش
الناس راجعة في
عز البرد شقيانه
وفي القيالة زهقانة
وزهق الناس بسببنا
ميرضيناش
لازم تكون فاهم
ومتربي
قالوا من فين الرباية
قولت من ربي
يارب اكفينا شر
المستخبي
ومن شر جحود
اوباش
الجار للجار سند
سترة
ومندراش ياولدي
باايه مداري بكره
واهو يوم عندي
ويوم عندك
والناس من غير ادب
زي العطب متسواش
وهاتها جمايل يارب
شاعر الحارة المصرية
صلاح سليمان
