جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
الحاراتي
انا حر
انا حر بحروفي
لكن بحيز ادب
بجرأتي وكسوفي
اسمي
اتنقش وانكتب
يمكن خطاويا
وخداني كده علي
مهل
وحرفتي كلمة
دايمة ولا تتشطب
الفكرة مش نكرة
ولا حتي شيء
مرسل
تتداري في الذاكرة
وقت اللزوم توصل
الشهرة غدارة
ومنيش من المشاهير
يادوب شاعر حارة
ومشاعري معدن
دهب
ابوابي مفتوحة لكل
الصحاب علي الملأ
وشهادتي مجروحة
ولو مكتوبة ع. ورق
انا ماشي ف حياتي
قاصد سفينة نوح
اللي صدق بيمر
واللي شطح اتقلب
النفس امارة
للي ضميره طشاش
والدنيا دوارة
وعودهامبتسواش
والنيه لو خالصة
متكنش برو العتب
انا حر بحروفي مع
حدود الادب
وهاتها جمايل يارب
شاعر الحارة المصرية
صلاح سليمان
