الجوع الوهمي( الجوع العاطفي)

الجوع الوهمي( الجوع العاطفي)

بقلم داليا فؤاد
سميا هكذا للحنين للاكل..العقل الباطن مخيلك انك محروم من الاكل اللي اتعود عليه
طول حياتك لم يشعر العقل الباطن ان نظام اكلك ابتدا غلط في غلط

لذلك كل شوية بتحس انك عاوز تاكل #حاجة_مسكرة ؟!
خلي بالك دي اشارة خ-طي-رة ولازم الانتباه
.
افهم/ي ان احساسك كل شوية انك عاوز تاكل حاجة مسكرة دا :-

بيعكس ان #هرمونات جسمك مش شغالة بشكل كويس !
وان ف شوية خلل ف الهرمونات خصوصا الهرمونات المسئولة عن مستوي السكر
ف الدم وهو #الانسولين بشكل اساسي !
واحساس انك عاوز حاجة مسكرة دا من اكتر اعراض مشكلة #مقاومة_الانسولين او مشكلة
” ما قبل السكري – او السكر من النوع التاني ”

بيعكس ان هرمونات جسمك المسئولة عن احساس الجوع والشبع مش شغالة بشكل كويس !
وممكن يكون ف مقاومة من نوع تاني اسمها #مقاومة_هرمون_الشبع #الليبتين !

اوقات كتير بتكون دي حالة اسمها #الجوع العاطفي او الكاذب !
??انت لو جعان فعلا او محتاج عنصر غذائي فعلا فانت مش هتحس انك عاوز تاكل
#بسبوسة ولا #شوكلاته ولا #بسكوت ولا #دونتس !
لا ,,, انت هتحس انك جعان وخلاص ، وممكن تاكل اى حاجة ! ونفسك هتسمح باي حاجة

لكن انك تفكر ف حاجة معينة بعينها اعرف ان دا جوع كاذب
وان دا جوع ونهم جاي من دماغك مش جاي من معدتك !
.
.
تعمل اى ؟ وتحلي المشكلة دي ازاى ؟!
وجبات كافية ومتوزعة صح ع مدار اليوم وخصوصا ف الاوقات ال بتحس فيها بجوع !
اكلك وشربك يكون فيه كل العناصر الغذائية الطبيعية ، ومتمشيش لفترة طويلة
ع نظام اكل بيمنع نوع معين من العناصر الغذائية بشكل كامل .
3 حصص غذائية يوميا خضروات/فاكهة ايان كان نوع الدايت بتاعك !
وسواء كنت عامل دايت محدد ولا لا !

اشرب #مياه ! معظم احاسيس الجوع ف اليوم ممكن تكون احساس #عطش !
وبمجرد ما تشرب مياه احساس الجوع هيختفي !
لو جالك احساس انك عاوز حاجة مسكرة ، شوف انت اخر مرة اكلت كان امتي ؟!
إذ كنت لسه واكل ف خلال ساعتين فاتوا اعرف ان دا جوع كاذب وجسمك اصلا مش محتاج اكل
ومش محتاج حاجة ! دي دماغك ال بتوسوس ليك وعاوزاك تبوظ ال بتعمله !
وعاوزة الكرش يزيد 5 سم ! وعاوزاك تضايق وانت مش عارف تقفل البنطلون !

لو اكلت من اكتر من 3 ساعات فاتوا فممكن فعلا يكون جسمك محتاج اكل
او هرمونات جسمك محتاجة حاجة تشدها وتفوقها وتنشطها ?
ساعتها ممكن تاخد اسناك صحي عبارة عن –

– بيضة مسلوقة مع خضار اخضر .
– شوية جبنة قريش مع سلطة خضرا .
– كوباية زبادي مع خضار .
– كوباية زبادي مع تفاحة ولا كام حباية فراولة . بكدا هتسد جوعك وتخلي هرموناتك تشتغل بشكل افضل !
وف نفس الوقت هتحافظ ع ال بتعمله وع الدايت بتاعك !
ولو حتي مش عامل دايت معين فانت كدا هتحافظ ع صحتك وهتخلي جسمك احسن
صحيا وبدنيا وكشكل وحجم !

اخيرا : السيطرة ع الموضوع دا بتحتاج مجهود وتعود ومرة ع مرة هتظبط
فركز بس وافهم ان الموضوع دا ف الاساس نابع من #عقلك مش من #بطنك !
وافهم ان الموضوع دا محتاج سعي منك عشان تحسن من جودة عمل جسمك وهرموناته !
وف خلال اسابيع بسيطة هتلاقي نفسك خلاص مبقاش يحصلك الاحساس دا وبقي
#تحت_السيطرة ! ويوم لما تاكل حاجة مسكرة فهتاكلها بمزاجك
” وجبة فري مثلا ” او مزاجك راح لحاجة معينة او بتدوق حاجة !
لكن خلاص انت مبقتش تحت رحمة #السكريات ! وهتبطل تحس بالذنب ! وانك متضايق من نفسك!
.
.
السكريات والحلويات هي اساس هدم الصحة العامة ,, هي اساس زيادة الوزن والسمنة !
السكريات والحلويات ضررها اكبر ع الرجالة ! وهي اساس هدم صحة الرجل وكفاءته كراجل !
السكريات هي من اكبر الحواجز بينك وبين زيادة #كتلة عضلاتك !
خليك صحي خليك قدها . انت بطل حكايتك عيشها صح تكسب صحتك
.