جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم/ داليا فؤاد
نفتح الباب نلاقي كل البيت وكل الغرف ساكته هاديه ، هي البيوت دي مش مسكونه ؟
لا يا فندم ده مسكونه بس مسكونه ناس راكبها شياطين ، مسكونه ناس بس ماسكه موبايلها ، أو ألعبها أو التليفزيون وعايشه معاه عايشه في عزله مع عالم إفتراضي تاني.
هي البيوت دي مسكونه أه مسكونه ، مسكونه بناس بدون أرواح ، مسكونه بناس عايشه لنفسها ، بس الإبن ماسك موبايله أو البلاي ستيشن وناسي أمه وناسي أبوه وناسي أخواته ، أو الأب ماسك الموبايل وعايش حياته مع أصحابه أو أو أو……. وكذلك الأم ماسكه الموبايل وعايشه مع حياتها أو أو……
بعدنا أه بعدنا بقت بيوتنا خاويه أه والله بقت خاويه ،الصمت بقى هو في الجدران بقي في الروح بقى في النفس بقت بيوت صامته .
هو إحنا وصلنا لكده إزاي ؟!
وصلنا لكده لما كل واحد فكر في نفسه ، فكر في المتعه الشخصيه بتاعته، سواء ست سواء راجل ، سواء إبنه سواء بنت ، نسينا الجد والجده نسينا الخال والخاله ، نسينا الجار ، ونسينا نسأل بقت خلاص كل حياتنا هي رسالة واتس علي الموبايل حتي الواتس خلاص بقينا ننساه ، ما بقيناش نفتكر غير نفسنا .
من قلبي بقول لكم خلوا بالكم من صمت البيوت ، لو ما بقيناش نتكلم مع بعض إحنا خلاص علاقتنا بتنتهي بقينا علاقات جوفاء فارغه فاضيه ، خلوا بالكم من صمت البيوت خلوا بالكم من نفسكم .
عايزين نرجع نتجمع تاني في ليالي السمر ، ونتكلم ونتناقش ، ونحس ببعض ، ونحس بألام بعض ونشارك بعض في الفرح .. خلو بالكم من صمت البيوت
