جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كتب: أحمد زينهم
نشرت الإعلامية سمر نديم نداء استغاثة عبر مواقع التواصل الاجتماعي تطلب فيها المساعدة من وزيرة التضامن الاجتماعي واغاثتها بعد اختفاء ملف مؤسساتها الخيرية داخل الوزارة وتسهيل طلباتها المتعثرة لمساعدة المتشردين والأرامل والمطلقات والأيتام والفقراء من خلال “مؤسسة سمر نديم للخدمات والتنمية”.
وقالت سمر نديم ما يلي: “ايه الحاجة اللي أنا بعملها عشان يحصل كل ده معايا، بساعد المحتاجين، وعندي مؤسسة سمر نديم عشان أساعد الأسر المتعسفة، الأرامل والمطلقات والناس اللي بتجيلي هنا كل شهر عشان تاخد الشهرية بتاعتها، أنا مش فاهمة بصراحة إيه اللي بيحصل معايا”.
وتابعت: “أنا بنزل قدامكم بلايف أنقذ الحالة واطلع بيها على زهرة مصر برده بلايف، كل حاجة بظهرهلكم مفيش حاجة بخبيها، معرفش ليه بيحصل معايا كده، كل ما أقدم ورقي في أي جهه يقعد بالسنين عشان يخلص، دي غلطتي يعني إني عايزة أمشي قانوني، عايزة أعرف مين اللي وراء كل هذه المصايب”.
وأضافت: “عايزة أقول حسبي الله ونعم الوكيل في أي حد بيوقف العمل الخيري، وأنا ولا حاجة أجي إيه جنب الأنبياء اللي كانوا بيعملوا خير كتير وكانوا بيتحاربوا، هي دي الحاجة اللي بتخليني أصبر وأحتسب عند الله”.
وأنهت سمر حديثها قائلة بأنها تطلب المساعدة ، وتستغيث، بتسهيل أوراقها الذى اختفت من الوزارة، وأن بعض الموظفين الحكوميين لا يقومون بدورهم وأداء عملهم بما يرضي الله، مشيره، بأنها لا تعلم اذا كانت أوراقها ومستنداتها وصلت لوزيرة ” التضامن الاجتماعي” أم لا.
يذكر أن سمر نديم فتاة مصرية تحب العمل الخيري، وتحب وطنها، وتشجع كل مواطن مصري على العمل الخيري، كما أنها تنقذ المشردين من جميع الأديان والجنسيات، ولا تفرق بين مسلم ومسيحي، وتساعد المحتاجين الذين لا مأوى لهم، والسيدات الأرامل، والمطلقات، وتساعد الأيتام ومعدومي الدخل من خلال مؤسسة “سمر نديم للخدمات والتنمية”.
