افتكرتك

افتكرتك؟
بقلم رجب أبو الحسن

افتكرتك؟
جاي بتسأل افتكرتك؟
هو أنا نسيتك دقيقة
افتكرت اليوم ترن
بعد سنواتي العتيقة
كنت أحلف إنك أنت كل حاجة
كنت تسخر م الحقيقية
كنت أحلف إنك أنت كل حاجة
كل ما ليا
كنت تسخر من غرامي بضحكتك
تحفر الأوجاع بنية
أو غير مبالي
يا حبيبي بعد منك الليالي
سنين طوال
زي مأسور خلف سور
والسور ضلال
لو جبال مش محال أوصل حداك
يا اللي ياما عشان رضاك
شيلت الصخور
كل الصخور
كل حبات الرمال جوه الصدور
كنت أغني معاك أنا
والليالي بالمشاعر دندنة
وجوه مني من كسور
لو يقوم جمع الأطبا ألف مرة
المحلي واللي دارس طب بره
اللي دارس طب خلطة
اللي شاطر اللي فاكر إنه فلتة
الجميع بعد الفحوص اللازمة
راح يشخص: مؤزمة
اللي ظاهر صاخ سليم
واللي مش باين سليم
إنما نظرة عيون الباش حكيم
بتقول: سقيم
ضحكة صادرة
إنما غايب و حاضرة
ضحكة مكسوفة
وشكوى محذوفة
حالة نادرة