اضحكي

اضحكي
بقلم رجب أبو الحسن

اضحكي أصل الحكاية ما تستاهلش
كل اللي عايشينه مُعاش
قبل البداية ما تفتكرش
ما تفتكرش انك وحيد
رغم الآلام والاحتدام
ونيران تدوب من حديد
ما يكفي لبناء القلاع
اوعى تفكر يوم بقهرة ف مين آذاك
أو فجأة باع
اوعاك تعيد لحظة وداع
ما فيش دواعي تعيش دقايق انتزاع
ولا أي داع
ولا أي داع تعيش دقايق النزيف
امسح شريط الذكريات
بالذات دقايق التخلي
خليه يعدي الغدر عدي
خليه يولي
ما فاهمش ليه بتعيد سقوط
هو العلام مش كونه علم الجبين
أو ساب علامة في دمعتين
ما فيش دواعي الروح تموت
ما فيش دواعي النار وبعد ركود مؤقت تستعيد
حرق الحياة
ما أنتاش وحيد
رغم احتباس الرؤى
وقصر النظر
اوعاك تفكر ان لما نفترض
الكون غدر
هتعيش وحيد
في عتمة البير الغويط
كهف البريد
كل الرسايل بالدموع
وتكسير ضلوع
غير الصديد
صناديد ولا كفار قريش
رغم السواد والابتعاد والامتعاض والاعتراض
مطلوب تعيش