جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
تقرير /أيمن بحر
اردوغان قرر يعمل اسـطول من سفن مدنية بالمـساعدات ويبعتهم لغزة للمرة الثانية فى المرة الاولى كان اتعمل شو كبير وتغطية من كل قنوات العالم لحد لما قربوا من الساحل طلع عليهم الجيش الاسرئيلى وهاتك يا ضرب واتـوفى 10اتــراك واردوغان اتحط فى موقف محرج جدا امام الاصوات اللي كانت بتنادى باعلان الحرب الا انه اكتفى بسحب السفير وبعدها بعامين اتصالحوا تاني ! في المرة التانية بقى النهاردة قرر انه يتحرك بشكل سرى من دولة تانية حتى يبعد الحرج عن نفسه واختار تونس ولكنها رفضت في اللحظة الاخيرة!-رغم بتوع الشعارات اللي صدعونا وليل نهار يقولوا افتحوا الحدود يا مصاورة !- فكان انهم انطلقوا من مالطا و لسه بيقولوا يا هادى راحت مسيرة نزلت عليهم من السما والسفينة غـرقت ! عرفتوا بقى ان اللى بيقولوا مصر هى اللى بتمنع المساعدات كل هدفهم ان مصر تتورط لان لو مصري واحد من اللي سايقين الشاحنات استـ.ـشهد هيقولوا انزل هات حقه! لان كل همهم ان مصر تقع عشان يرجعوا للكرسي من جديد وعشان كدة مصر رأت منذ اليوم الاول ان مفيش حل فى الملف ده الا بالضغط الدبلوماسى ولولا مصر مكانش دخل حاجة ولا كانوا استطاعوا يصمدوا 18شهر
