جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم /مرفت عبدالقادر
الناس اللى بتقول ما كانشى فيه ثورة امبارح ..
اسمحوا لى اختلف معاكم
امبارح كان فيه ثورة …ومش اى ثورة ..بالعكس دى احلى واجمل ثورة .
زى ما بقولكم كدا.. وتعالوا نشوف
امبارح كان فيه ثورة تمثلت فى تمسك هذا الشعب العظيم بقيادته الحكيمة واقتناع الشعب العظيم
بمساحة الامن والامان والاستقرار التى وصلت اليها مصرنا الحبيبة .
امبارح كان فيه ثورة ..شوفتها فى الاغانى الوطنية اللى غطت الشوارع والميادين والمحلات ..لدرجة
انى اعرف والله صاحب مكتبة وطنى محترم اعلن عن تصوير الاوراق امبارح مجانا حبا لمصرنا الغالية .
امبارح كان فيه ثورة ظهرت اثارها واضحة بتجمع عدد كبير جدا من كل زعماء العالم فى مدينة السلام
(شرم الشيخ ).ونجاح قمة المناخ لتضرب رقم قياسى جديد لبلادنا المحروسة
امبارح كان فيه ثورة تمثلت فى احترام زعماء الدول العظمى لزعيم مصر ودعمهم الكامل والمعلن
لسيادته واعلانهم بان مصر تمر بافضل مرحلة فى تاريخها المعاصر .
امبارح كان فيه ثورة ظهرت فى التأييد المشرف من الشعب لقيادته رغم الاكتواء بغلاء الاسعار إلا ان
هذا الشعب ادرك ان ما وصلنا اليه لا يمكن ان يعوض ولن نسمح بالمساس به .
امبارح كان فيه ثوره اهم نتايجها الضرب وبقوة من الشعب الواعى لكل العملاء المطاريد الخونة ورميهم
فى مزبلة التاريخ وبلا رجعة .
واكتر من كدا بكتير ..
مش باقولكم احلى ثورة
تحيا مصر.تحيا مصر .تحيا 
