جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج إنكسرتي ؟؟؟!
***********
بقلمي / عادل عبد الرازق
*******************
إنكسرتي ؟!
لأ مش انتي
حد تاني اللي انكسر
غيرك انتي يا حبيبتي
تقدري تقوليلي
أو تكتبيلي
وتفهميني مين فينا اللي خان
مين اللي ضيًع …
العمر والأيام والزمان
تقدري تقوليلي
أنا اللي بعت ..
ياحبيبتي ولاً انتي
إنكسرتي ؟!
لأ مش انتي
حد تاني اللي انكسر
غيرك انتي يا حبيبتي
إتغيًرتي فجأة
وابتديتي تبعدي غن عيوني
ولما سألتك ليه ؟ ..
غيًرتي فيًا ظنوني
أتاريني كنت معاكي
وانتي ..
كونتي بتخوني
ماعرفش إيه بدًلك
ما عرفش ليه اتغيرتي
إنكسرتي ؟!
لأ مش انتي
حد تاني اللي انكسر
غيرك انتي يا حبيبتي
جايز يكون المال
ممكن تكون السنين ؟
ولاً كرهتيني احتمال
ولاً ملًيتي من طبعي الحزين ؟
إيه غيًرك إيه
ولاً مين بس مين
حزني عليكي يا قصة
لا ابتديتي ولا كملتي
إنكسرتي ؟!
لأ مش انتي
حد تاني اللي انكسر
غيرك انتي يا حبيبتي
***
عادل عبد الرازق ،،،
