جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج ….(( أنا مسيحي ))…..
أيوه أنا مسيحي …..
و اخويا المسلم في ريحي
بنعلق زينة رمضان
و الكل فينا فرحان
و لا يهون عليه تجريحي
أيوه أنا مسيحي …..
من و أنا كنت صغير
في الحارة ما حاحة بتتغير
عايشين مع بعض أخوات
في المدرسة في الجيش بالذات
ننادي علي بعض في طلعات
و افديه بقلبي و روحي
أبوه أنا مسيحي
و معلق على صدري صليب
و ده في ديني مش عيب
المسلم بيقرأ قرآنه
و أنا بستمع لآذانه
و كل واحد له من دينه نصيب
أنا بقرأ في إنجيلي
زي كل شباب جيلي
و ان حصلي حاجة
اخويا المسلم يجيلي
و الاقيه مني قريب
و ابادله بودي و مديحي
أيوه أنا مسيحي …
غير كده . مافيش فرق
مهما حاولوا الخلق
عايشين مع بعض
في الرعد و البرق
و بحب وطني و أدعيله
في صلاتي و تسبيحي
أيوه أنا مسيحي ….
★★★★★★★★★★
بقلم د/عمر عبد الجواد عبد العزيز
