أنا اللي ضيَّعني

أنا اللي ضيَّعني
أسد الشعر العربي ( جمال الشرقاوي )
زجل غنائي \ أنا اللي ضيَّعني \
من قصائد : شاعر الأغنية العربية \ جمال الشرقاوي \

أنا اللي ضيَّعني
حبَّك و لَوَّعني
و دنيتي دِيـَّه
و عمري بَيَّعني
أنا اللي نسَّاني
حبَّك و من تاني
و رجعت م الأوِّل
للشوق اللي وَرَّاني
إمتىَ الهوىَ يسمح
و احب الأوَّلاني
تاني تاني تاني
يا رب نحب تاني
يـــ رب و اللي جرالي
في الهجر ما يجرَىَ تاني
و أه يا قلبي أه
م الحُرْقَة اللي كاوياني
أنا اللي ضيَّعني
حبَّك و لَوَّعني
و دنيتي دِيـَّه
و عمري بَيَّعني
و انده و لا تسمع
و اشكي و لا ترجع
و ابكي على أملي
أتشَفَّع و لا تشْفَع
بكرة و هنتقابل
يبقىَ الحساب يجمع
جَرْحَة علىَ دمعة
و اتــْــقَـلْ و تتسَرَّع
و لمَّا تيجيني تسأل
و من كاسي تِتْجَرَّع
أقولَّك عيش في امبارح
لمَّا الصباح يطلع
دوق اللي انا دُقْتُه
و ابكي هنا و اركَع
إنتَ العذاب كله
معقولة العذاب يدْمَعْ
أنا اللي ضيَّعني
حبَّك و لَوَّعني
و دنيتي دِيـَّه
و عمري بَيَّعني
القاهرة \ سبتمبر \ الجمعة 27 \ 9 \ 1989 م
الساعة 8 مساءً \ أسد الشعر العربي ( جمال الشرقاوي ) كاتب و شاعر و باحث \